!د ہلیز کے پار۔۔۔۔۔۔۔۔۔

کوئی موسم ہو دل میں ہے تمھاری یاد کا موسم
کہ بدلا ہی نہیں جاناں تمھارے بعد کا موسم
 
نہیں تو ازما کے دیکھ لو کیسے بدلتا ہے
تمھارے مسکرانے سے دِلِ ناشاد کا موسم

صدا تیشے سے جو نکلے ، دلِ شیریں سے اُٹھی تھی
چمن خسرو کا تھا مگر رہا فرہاد کا موسم

پرندوں کی زباں بدلی کہیں سے ڈھونڈ لے تو بھی
نئی طرزِ فغاں اِئے دل کہ ہے ایجاد کا موسم

رُتوں کا قاعدہ ہے وقت پہ یہ آتی جاتی ہیں
ہمارے شہر میں رُک گیا فریاد کا موسم

کہیں سے اُس حسیں آواز کی خوشبو پکارے گی
تو اُس کے بعد بدلے گا دلِ برباد کا موسم

قفس کے بام و در میں روشنی سی آتی جاتی ہے
چمن میں آ گیا شاید لبِ آزاد کا موسم

نہ کوئی کام خزاں کا ہے نہ خواہش ہے بہاروں کی
ہمارے ساتھ ہے امجد کسی کی یاد کا موسم

یہ مشغلہ ہے کسی کا نہ جانے کیا چاہے
نہ فاصلوں کو مٹائے نہ فیصلہ چاہے

میری بساط ہے کیا میں ہوں برگِ آوارہ
اُڑا کے لے چلے مجھ کو جدھر ہوا چاہے

نہ فاصلوں کو مٹائے نہ فیصلہ چاہے

جو اصل چہرہ دکھاتا ہے ترجمان بن کر
اُس آئینے کی طرف کون دیکھنا چاہے

نہ فاصلوں کو مٹائے نہ فیصلہ چاہے

ہزاروں ڈوبنے والے بچا لیئے لیکن
اُسے میں کیسے بچاؤں جو ڈوبنا چاہے

نہ فاصلوں کو مٹائے نہ فیصلہ چاہے

یہ مشغلہ ہے کسی کا نہ جانے کیا چاہے
نہ فاصلوں کو مٹائے نہ فیصلہ چاہے

ہم نے سب شعر میں سنوارے تھے
تم سے جتنے سُخن ہمارے تھے

رنگ و خوشبو کے، حُسن و خوبی کے
تم سے تھے جتنے استعارے تھے

تیرے قول و قرار سے پہلے
اپنے کچھ اور ہی سہارے تھے

جب وہ لعل و گوہر حساب کیے
جو تیرے غم نے دِل پہ وارے تھے

میرے دامن میں آ گرے سارے
جتنے طشتِ فلک میں تارے تھے

عُمرِ جاوید کی دُعا کرتے
فیض اتنے وہ کب ہمارے تھے

خود سے بے خود ہوا اور سازِ ان الحق چھیڑا
مثلِ منصور خریدار سرِ دار ہوا

درِ میخانہ مجھ پہ یار کھلا رہنے دو
مسجد و مدرسہ، منبر سے میں بیزار ہوا

مجھ پہ دِل توڑ کے ناصح نے مصائب توڑے
خیر ایک رندِ بلا نوش مد د گار ہوا